Compostela, 15 de marzo do 2019
O vindeiro xoves 28 de marzo organizamos unha xornada formativa sobre a Lei de Contratos do Sector Público aplicada á xestión cultural. Celebrarase no Auditorio de Galicia, coa participación de Escena Galega e a colaboración da Deputación da Coruña.
A sesión, que se desenvolverá de 16:30 a 20:30, será impartida pol*s avogad*s especializad*s e xestor*s culturais Juan Antonio Estrada e Ania González e está destinada a xestor*s e axentes culturais do sector público e privado.
No programa previsto hai unha exposición inicial de carácter teórico trala que se analizarán por equipos diferentes casuísticas relacionadas coa contratación artística, con solucións e conclusións aplicadas a cada suposto.
Hai 50 prazas reservadas para as persoas socias da AGPXC e de Escena Galega que estean interesadas. Se é o teu caso, debes reservar a túa inscrición antes do 25 de marzo en info@xestoresculturais.gal ou tamén en info@escenagalega.gal.
Se non es soci@ da AGPXC e tes interese en asistir, contacta igualmente con nós para entrar na lista de agarda.