Acordo de colaboración entre a AGPXC e a Fundación Gabeiras.

Santiago de Compostela, 03 de marzo do 2020

O pasado mes de febreiro a AGPXC e a Fundación Gabeiras asinamos un acordo de colaboración co obxectivo de articular un intercambio de coñecementos, impulso da formación e fomento da reflexión e o debate en asuntos xurídico-culturais.

A primeira actividade de colaboración que realizaremos é a aplicación dun 50% de desconto para as asociadas da AGPXC no módulo online “Ferramentas xurídicas e financieiras para profesionais da cultura”. Este módulo está composto polos seguintes cursos individuais de formación:

• Fundamentos da xestión dos dereitos de propiedade intelectual nos eventos e actividades culturais. Impartido por Tamara Criado Gómez.
• Contabilidade financieira. Impartido por Simeón Vadillo.
• Lexislación do patrimonio histórico artístico. Impartido por Jesús Prieto de Pedro.
• Lei de contratos do sector público no ámbito cultural. Impartido por Jaime Leguina.

Para poder acceder ao código de desconto é preciso escribir a info@xestoresculturais.gal indicando: nome, apelidos, dni e curso formativo no que se quere inscribir.